即上英超刨績王：http://win.on.cc/epl
歐聯四強首回合，利物浦主場迎戰羅馬。紅軍上半場開波後勁受壓，羅馬瘋狂壓迫搞到主隊組織唔到攻勢，高拉洛夫左路遠射更曾射中楣，八分鐘更有阿歷士張伯倫受傷離場，由韋拿杜姆入替。
但紅軍企定陣腳後終發揮主場威力，29分鐘紅軍反擊，文尼於中場大步推，敵衞已經食塵成單刀之勢，但佢推到入禁區一腳抽高，之後佢於12碼點起腳，又係唔中目標。紅軍不斷進攻，沙拿同費棉奴都曾射中目標，但始終過唔到對手門將，34分鐘，羅拔臣左路質地波入禁區，文尼一射入網，但就越位在先。主隊到35分鐘終有收穫，沙拿於右路起左腳彎遠柱中楣彈入打開紀錄。38分鐘紅軍本有再添入球機會，洛夫雲接應角球頂中楣。完半場前沙拿梅開二度，費棉奴妙傳質前，沙拿撥過對手門將挑入，利物浦半場領先2:0。
東網體育FB同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20180425/bkn-20180425033537280-0425_00882_001.html
