即睇超爆笑場面：http://bit.ly/2hFAAHL
金球世界波可能個個禮拜都睇到，但今次呢個「鬼球」，堅係有今生冇來世，想睇都唔係咁易呀！今輪德甲緬恩斯作客慕遜加柏，客軍門將羅賓辛迪拿做驚人創舉，佢竟然將個12碼點當係波咁踢，笑到個講波佬氣咳咁滯！
其實件事係咁嘅，當時緬恩斯後衞回個波畀羅賓辛迪拿，佢於12碼點附近，右腳控咗控個波，當時個波有西喺佢腳邊溜過，但羅賓辛迪拿懵然不知，一路都以為個12碼點就係個波。當佢左望右望搵到隊友時，就一個掃把腳踢埋去個12碼度，到嗰陣佢先知踢空氣，擰轉頭個波碌緊向龍門，對手仲即時拍埋嚟想執雞！好彩最後緬恩斯後衞都解到圍，如果咁樣失波，羅賓辛迪拿肯定畀領隊、球迷插爆，依家只係畀全球球迷笑到面黃啫，都冇嘢吖。場波最後雙方打成1:1平手。
佢賽後表示，唔知個波有西碌走咗，佢喺眼角瞥見撻白色嘢，就以為係個波，點知原來係12碼點，佢講起都忍唔住笑！
即上英超刨績王：http://win.on.cc/epl
東網體育同你追實體壇每個精彩時刻！
http://bit.ly/2ecTF2A
本文來源：http://hk.on.cc/hk/bkn/cnt/sport/20171105/bkn-20171105113059009-1105_00882_001.html