的士無理拒載經常惹來非議，不過如果「冚晒旗」仍然被人指責，難免令的士司機「聞者傷心，燥底傷身」。近日就有片段指有的士司機疑在「冚旗」的情況下，被候車乘客指責拒載，因而展開罵戰。
片段發布自Facebook專頁「SocREC 社會記錄頻道」，事發於星期六（10日）下午約6時半，一名的士司機在灣仔會議展覽中心的士站附近，以粗口指罵一對正候車的男女。
從片段所見，該輛的士停泊於的士站稍前位置，司機怒氣沖沖地喝罵︰「我唔係載客㗎！呢個的士站呀？X你老母！」他一度衝前，指着該對男女︰「我打死你仲得呀！你忟呀！出手啦！」
該司機更猛拍車頂，指着燈箱怒斥︰「我都未着燈呀」，示意的士一直「冚旗」，不接載乘客亦不代表是「拒載」，認為是乘客無理取鬧，最終揚長而去。
雖然的士司機激動地「粗口橫飛」，被指「影衰晒全行的士」，但不少網民認為司機沒有錯，指「條隊咁長佢又冇揀咗其他客」、「可能佢啱啱落客，咁佢唔一定要喺嗰度上番客喎」，甚至建議該對男女「搭過第二架囉！有乜好嘈？」
想知的士哥有幾躁？馬上睇片！
---------------
《港呢啲》：大事小事騎呢事，東網嚴謹選題，輕鬆製作！
本文來源：http://hk.on.cc/hk/bkn/cnt/news/20180212/bkn-20180212173851913-0212_00822_001.html